பழங்காலத்திலிருந்தே உணவாகவும், மருந்தாகவும் செயல்படக்கூடிய சிறந்த காய்கறிகளில் ஒன்று முருங்கை ஆகும். இது பல்வேறு நுண்ணூட்டச்சத்துக்களை அடிப்படையாகக் கொண்டதாகும்.முருங்கையானது பாலை விட கால்சியத்தின் சிறந்த ஆதாரமாகவும், கேரட்டை விட வைட்டமின் ஏ சத்துக்களை பத்து மடங்கு அதிகம் கொண்டிருப்பதாகவும் கூறப்படுகிறது.
மேலும் முருங்கையானது வளர்ச்சிதை மாற்றத்தை மேம்படுத்துவது, இரத்த சர்க்கரையை ஒழுங்குபடுத்துதல், முடி வளர்ச்சிக்கு, மற்றும் கல்லீரல் நச்சுத்தன்மையாக்க என பல்வேறு நன்மைகளைத் தருகிறது. முருங்கையின் இலைகள், தண்டுகள், பூக்கள் என அனைத்தும் உடல் ஆரோக்கியத்தில் முக்கிய பங்கு வகிக்கிறது. இதில் முருங்கையிலிருந்து தயாரிக்கப்படும் முருங்கை நீர் பல்வேறு ஆரோக்கிய நன்மைகளைத் தருகிறது.
முருங்கை இலைகளை தண்ணீரில் கொதிக்க வைத்து, காய்ச்சிய நீரை அருந்தலாம். அல்லது இலைகளை சூரிய ஒளியில் உலர வைத்து முருங்கை பொடி செய்யலாம். இவை பல்வேறு நோய்களுக்கும், ஊட்டச்சத்து குறைபாடுகளுக்கும் உதவுகிறது. வெறும் வயிற்றில் முருங்கை நீர் அருந்துவதால் ஏற்படும் நன்மைகள் குறித்து காணலாம்
ஊட்டச்சத்துக்கள் நிறைந்த
முருங்கை ஆன்டி ஆக்ஸிடன்ட்டுகள் நிறைந்த வளமான மூலமாகும். இதில் வைட்டமின் ஏ, சி, ஈ, கால்சியம், பொட்டாசியம் மற்றும் இரும்பு போன்ற அத்தியாவசிய ஊட்டச்சத்துக்கள், வைட்டமின்கள் மற்றும் தாதுக்கள் நிரம்பியுள்ளது. குறிப்பாக, ஹீமோகுளோபின் குறைவாக இருப்பின் அல்லது மேலே உள்ள வைட்டமின்கள் குறைபாடுகள் முடி உதிர்தல், சரும பிரச்சனைகள், மெல்லிய உடையக்கூடிய எலும்புகள் போன்ற பிரச்சனைகள் இருப்பின், தினமும் முருங்கை நீரை சேர்த்துக் கொள்ளலாம்.
முருங்கையில் உள்ள வைட்டமின் சி மற்றும் பீட்டா கரோட்டின் போன்றவை உடலில் நோயெதிர்ப்பு சக்தியை அதிகரிக்க உதவுகிறது. இதன் மூலம் அடிக்கடி ஏற்படும் நோய்த்தொற்றுக்களிலிருந்து நம்மை பாதுகாக்கலாம்.
எலும்பு ஆரோக்கியத்தை மேம்படுத்த
முருங்கையில் அழற்சி எதிர்ப்பு பண்புகள், பாலிபினால்கள் மற்றும் ஃபிளாவனாய்டுகள் நிறைந்துள்ளது. இது உடலில் ஏற்படும் அழற்சியைக் குறைக்க உதவுகிறது. கீல்வாதம், மெல்லிய உடையக்கூடிய எலும்புகள் மற்றும் எலும்பு அடர்த்தி போன்ற தசைக்கூட்டு கோளாறுகளால் பாதிக்கப்பட்ட நோயாளிகள் முருங்கை நீர் அருந்துவது மிகவும் நன்மை பயக்கும். மேலும், இது கால்சியத்தின் வளமான ஆதாரமாக இருப்பதால் எலும்பு இழப்பைத் தடுத்து, ஆஸ்டியோபோரோசிஸ் அபாயத்தைக் குறைக்க உதவுகிறது. முருங்கையில் உள்ள வைட்டமின் கே சத்துக்கள் எலும்பு வளர்ச்சிதை மாற்றத்திற்கு உதவுகிறது
வளர்ச்சிதை மாற்றத்தை மேம்படுத்த
முருங்கையிலிருந்து தயாரிக்கப்படும் முருங்கை நீர், வளர்ச்சிதை மாற்றத்தை மேம்படுத்தவும், உடல் எடையைக் குறைக்கவும் உதவுகிறது. இது பல்வேறு ஊட்டச்சத்துக்கள் மற்றும் குறைந்த அளவு கலோரிகளைக் கொண்டுள்ளது. முருங்கை நீரை உட்கொள்வது முழுமை உணர்வை அளிப்பதுடன், பசியைக் குறைக்கிறது. இதன் மூலம் உடல் எடை இழப்புக்கு உதவுகிறது.
நச்சுத்தன்மையாக்க
முருங்கையில் இயற்கையான நச்சுத்தன்மை நிறைந்துள்ளது. இது சிறுநீரகம் மற்றும் கல்லீரலை திறம்பட நச்சுத்தன்மையாக்க உதவுகிறது. இது உடலில் ஆற்றல் மட்டத்தை அதிகரிக்க உதவுகிறது. மேலும் காஃபின் போதை பழக்கத்தின் தீய விளைவுகளையும் குறைக்கிறது.
*நீரிழிவு நோய்க்கு
இது நீரிழிவு நோயாளிகளுக்கு மிகவும் ஏற்ற ஒன்றாகும். இது இன்சுலின் உணர்திறனை மேம்படுத்த உதவுகிறது. மேலும் இதன் மூலம் இரத்த சர்க்கரை அளவைக் கட்டுப்படுத்த உதவுகிறது. நீரிழிவு நோய்க்கு முந்தைய அறிகுறிகளை அனுபவிப்பவர்கள் வெறும் வயிற்றில் முருங்கை நீரை உட்கொள்வது சிறந்த பலன்களைத் தருகிறது.*
சரும பராமரிப்பிற்கு
முருங்கையில் வைட்டமின் ஈ சத்துக்கள் நிறைந்துள்ளது. இவை முகப்பருவைக் குறைத்து சரும அமைப்புகளை மேம்படுத்துகிறது. மேலும் சருமத்திற்கு பிரகாசமான தோற்றத்தை அளிக்கிறது. இதில் அதிக இரும்புச்சத்து நிறைந்துள்ளதால் முடி வளர்ச்சியை ஊக்குவிக்கவும், முடி உதிர்வைக் குறைக்கவும், உடலில் இரும்புச்சத்தை மேம்படுத்தவும் உதவுகிறது. குறிப்பாக முருங்கை நீர் அருந்துவது குறைந்த ஹீமோகுளோபின் அளவைக் கொண்டவர்களுக்கும், இரத்த சோகையை எதிர்த்துப் போராடுபவர்களுக்கும் ஒரு நல்ல தேர்வாக அமைகிறது.
காலையில் வெறும் வயிற்றில் முருங்கை நீர் அருந்துவது உடல் ஆரோக்கியத்திற்கு இது போன்ற பல்வேறு நன்மைகளைத் தருகிறது.
